सुचना बिभाग दर्ता नं. ५६७ / ०७३–७४

शनिबार १ हजार १ सय ९१ जना नेपाली स्वदेश फर्किए

प्रकाशित: ६ असार २०७७, शनिबार

काठमाडौं । विदेशमा समस्यामा परेका १ हजार १ सय ९१ जना नेपाली शनिबार स्वदेश फर्किएका छन् ।

जापानको नारिताबाट २४५ जना, कोरियाबाट २२८, कुवेतबाट १५० जना, यूएईको सारजहाबाट १६८ जना, मलेसियाबाट २४५ र बंगलादेशको ढाकाबाट १५५ जना नेपाली स्वदेश फर्किएका नागरिक उड्डयन प्राधिकरणले जनाएको छ ।
यस्तै आज २६१ जना नेपाली कोरियन एअरमार्फत कोरिया गएका छन् भने २८६ कतार ट्रान्जिट हुँदै कतार एअरवेजमार्फत विभिन्न देश गएका छन् ।

मलेसियाबाट नेपाली लिएर आएको जहाजमार्फत ११ जना नेपालीको शव पनि आएको छ । लामो समयदेखि मलेसियामा रोकिएका शव आज आएको हो । यस्तै कुवेतले पनि २ जना नेपालीको शव आज ल्याएको छ ।



प्रतिक्रिया दिनुहोस




ताजा समाचार