हतियारधारी समूहको आक्रमणबाट ४२ गोठालाको मृत्यु, ७८ घाइते

२६ पुष २०७५, बिहीबार मा प्रकाशित

काठमाडौं । सुडानमा हतियारधारी समूहको आक्रमणबाट कम्तीमा ४२ जना पशुचौपायाका गोठालाहरूको मृत्यु भएको छ ।
सुडानको बेह राज्यमा पर्ने डुचान र कोलाबिल क्षेत्रमा हतियारधारी समूहले पशुचौपायाका गोठालाहरूको हत्या गरेको हो ।
उनीहरूको आक्रमणमा परी अन्य ७८ जना गोठाला घाइते भएको समेत अधिकारीहरूले बताएका छन् ।

अकोबो राज्यका गभर्नर जोहनसन गुनी बिलुले अन्तर्रा्ष्ट्रिय समाचार संस्थाहरुलाई दिएको जानकारीअनुसार गत आइतबार यो घटना भएको हो ।

मुर्ले आदीवासी समूहले गरेको अमानवीय व्यवहारप्रति हामीलाई पश्चाताप छ, यो घटना एकदमै अमानवीय र स्थानीय बासिन्दालाई आक्रान्त पार्ने खालको छ– बिलुले भने ।

उनले हतियारधारी समूहको आक्रमणमा परी मारिनेमा अधिकांश महिला र बालबालिका रहेको जानकारी दिए । घाइतेहरूको अवस्था स्थिर रहेको र सयभन्दा बढी पशु चौपाया चोरी भएको अधिकारीहरूले जनाएका छन् ।

घटना भएको क्षेत्र दशकौँदेखि साम्प्रदायिक तथा जातीय हिंसाबाट प्रभावित हुँदै आएको छ । त्यस क्षेत्रमा यसअघि बालयौन दुव्र्यवहारलगायतका अन्य हिंसा पनि हुने गरेको छ ।

एजेन्सी

तपाईंको प्रतिकृयाहरू