पद्मरत्न तुलाधारको आज अन्तयेष्टि गरिदै

१९ कार्तिक २०७५, सोमबार मा प्रकाशित

काठमाडौं: मानवअधिकारवादी तथा स्वतन्त्र वामपन्थी नेता पद्मरत्न तुलाधारको आज अन्तयेष्टि गरिदैछ। ७८ वर्षको उमेरमा तुलाधरको आइतबार नर्भिक अस्पतालमा निधन भएको थियो। लाजिम्पाटस्थित उनको निवासबाट कमलाक्षी, असन, बांगेमुढा, क्षेत्रपाटी हुँदै शोभाभगवतीसम्म शवयात्राको तयारी गरिएको छ । उनको शोभाभगवतीको कर्णदीपमा अन्त्येष्टि गरिने छ। श्रद्धाञ्जलीको लागि उनको शवलाई लाजिम्पाट स्थित निवासमै राखिएको थियो। तुलाधरप्रति श्रद्धाञ्जली अर्पण गर्न उपराष्ट्रपति नन्दबहादुर पुन निवासमै पुगेका थिए। यस्तै प्रधानमन्त्री केपी शर्मा ओलीले तुलाधरको परिवारलाई आइतबार साँझ समवेदना सन्देश पठाएका थिए। नेकपा अध्यक्ष पुष्पकमल दाहाल, पूर्व प्रधानमन्त्री बाबुराम भट्टराई, माधव नेपाल लगायतका नेताहरुले उनी प्रति श्रद्धाञ्जली अर्पण गरेका छन्। राष्ट्रपति विद्या भण्डारीले  उनी प्रति श्रद्धाञ्जली व्यक्त गरेकी छन्। पूर्व राजाले ज्ञानेन्द्र शाहले समेत तुलाधरको निधनमा दु:ख व्यक्त गरेका छन्।

तपाईंको प्रतिकृयाहरू